بارلىق پەيغەمبەرلەر (صلى الله عليهم وسلم) نىڭ دەۋىتى مەركەزلەشكەن ئۈچ ھالقىلىق نۇقتا

پەزىلەتلىك شەيخ ئابدۇررازاق ئەلبەدرىنىڭ «اللە قا قىلىنغان سەپەر ۋە ئاخىرەت دىيارى» ناملىق لېكسىيەسىدىن «ئۇيغۇر ئىسلام بىلوگى» تەرجىمە قىلىپ تارقاتتى.

اللە سبحانه وتعالى ئەۋەتكەن بارلىق پەيغەمبەرلەر (صلى الله عليهم وسلم) نىڭ دەۋىتى مۇنداق ئۈچ ھالقىلىق نۇقتىغا مەركەزلەشكەن:

(1)           ئىبادەت قىلىنغۇچىنى، يەنى اللە سبحانه وتعالى نى ئىسىم – سۈپەتلىرى ئارقىلىق تونۇتۇش، ئۇنىڭ رەبلىكىنى، كاتتىلىقىنى، ئۇنىڭدىن باشقا ھېچكىمنىڭ ئىبادەت قىلىنىشقا لايىق ئەمەسلىكىنى بىلدۈرۈش.

(2)           اللە سبحانه وتعالى غا يېقىنلاشتۇرىدىغان يولنى بايان قىلىش. اللە سبحانه وتعالى غا يېقىنلاشتۇرىدىغان يول ــــ اللە ئۆزىنىڭ بەندىلىرى ئۈچۈن تاللىغان دىن، يەنى ئىسلامدۇر.

(3)           اللە سبحانه وتعالى مۇشۇ يولدا ماڭغۇچىلار ئۈچۈن ئاخىرەتتە تەييارلىغان مۇكاپات – نېمەتلەرنى، شۇنداقلا بۇ يولدىن يۈز ئۆرۈگۈچىلەر ئۈچۈن تەييارلىغان ئازاب ۋە جازانى بايان قىلىش.

        * ئۆزىڭىز ۋە باشقىلارنىڭ مەنپەئەتلىك دىنىي ئىلىملەرنى ئىگىلەپ ۋە شۇ بويىچە ئەمەل قىلىپ، دۇنيا - ئاخىرەتتە سائادەتمەنلەردىن بولۇشى ئۈچۈن، بۇ بەتنى ۋە تور بېتىمىزدىكى باشقا ماقالە - پەتىۋالارنى قولىڭىزدىن كېلىشىچە تارقىتىپ قويغايسىز.