قۇرئاننىڭ تەرجىمىسىنى ئوقۇشنىڭ ئەجرى

 دۇنياغا مەشھۇر ئەھلى سۈننەت پەتىۋا تور بېتى ئىسلام سوئال – جاۋابلىرى تورىدىكى 2589 – نومۇرلۇق سوئال. مەزكۇر پەتىۋا شۇ تور بەتنىڭ ئۇيغۇرچە ئۇيغۇرچە سەھىپىسىدىن ئېلىندى.

سوئال: ئەسسالامۇ ئەلەيكۇم، بۇ  جۈمە كېچىلىرى ياسىن سۈرىسىنى توپ بولۇپ ئوقۇش ھەققىدىكى 2237 -سۇئالغا قارىتىلغان . ئەمەلىيەتتە، مەن سىز تىلغا ئالغان ھەدىسنى، يەنى پەيغەمبەر سەللەللاھۇ ئەلەيھى ۋەسەللەم مۇنداق دېگەن :  كىمكى ئاللاھنىڭ كىتابىدىن بىر ھەرپنى ئوقۇسا، بىر ياخشىلىققا (مۇكاپاتقا) ئىگە بولىدۇ ، ھەمدە ھەر بىر ياخشىلىق ئون ھەسسىلىنىدۇ . مەن «ئەلىف لام مىم» نى بىر ھەرپ دېمەيمەن، بەلكى ئەلف بىر ھەرپ ، لام بىر ھەرپ ، مىم بىر ھەرپ» نى دېمەكچىمەن . مەن بىلمەكچىمەنكى، بۇ ھەدىس ئۆزىنىڭ ئوقۇۋاتقىنىنى ھەقىقىي چۈشىنىش ئۈچۈن باشقا بىر تىلدىكى قۇرئاننى ( يەنى، ئۇيغۇرچە تەرجىمىسىنى) ئوقۇغۇچىغىمۇ شۇنداقمۇ ؟ رەھمەت !

جاۋاب: مەدھىيە ئاللاھقا بولسۇن .

بىز ئاللاھتىن قىزىقىشىڭىزغا سىزنى مۇكاپاتلىشىنى سورايمىز. سوئالىڭىزنىڭ جاۋابىغا كەلسەك ، ھەدىستە تىلغا ئېلىنغان ئەجىر قۇرئان مەنىلىرىنىڭ باشقا تىللاردىكى تەرجىمىسىنى ئوقۇغۇچىغا ئەمەس ، پەقەت قۇرئاننى ئەرەب تىلى ھالىتىدە ئوقۇغۇچىغىلا ئېيتىلغان . شۇنداقتىمۇ بىر ئادەم قۇرئاننىڭ مەنىسىنى چۈشىنىش ھەمدە ئايەت دەۋاتقان نەرسىلەردىن مەنپەئەتلىنىش ئۈچۈن ئۇنىڭ مەنە تەرجىمىسىنى ئوقۇسا ، ئۇنداقتا ئۇمۇ بۇنىڭ ئۈچۈن ئەجىرگە ئېرىشىدۇ ، ئاللاھ ئۇنىڭغا مۇكاپات بېرىدۇ . چۈنكى مۇسۇلمان يەشمىنى (تەفسىر)نى ئوقۇش بىلەن ئەجىرگە ئېرىشىدۇ ، تەرجىمە - تەفسىردۇر . لېكىن تەرجىمىنى ئوقۇغۇچى ھەدىستە تىلغا ئېلىنغان ئەجىرگە ئېرىشىدۇ دەيدىغانغا دەلىل يوق . ئاللاھنىڭ سېخىيلىقى( پەزلى) كاتتىدۇر .
ھەمدە ئاللاھ ئەڭ ياخشى بىلىگۈچىدۇر.

ـــ پېشىۋا مۇھەممەد سالىھ مۇنەججىد

* ئۆزىڭىز ۋە باشقىلارنىڭ مەنپەئەتلىك دىنىي ئىلىملەرنى ئىگىلەپ ۋە شۇ بويىچە ئەمەل قىلىپ، دۇنيا - ئاخىرەتتە سائادەتمەنلەردىن بولۇشى ئۈچۈن، بۇ بەتنى ۋە تور بېتىمىزدىكى باشقا ماقالە - پەتىۋالارنى قولىڭىزدىن كېلىشىچە تارقىتىپ قويغايسىز.