ئاللاھ تائالاغا ئەڭ سۆيۈملۈك ئەمەللەر قايسىلار؟
ئابدۇللاھ ئىبنى مەسئۇد رضي الله عنه مۇنداق دېگەن: مەن پەيغەمبەر ﷺ دىن «قايسى ئەمەل ئاللاھقا ئەڭ سۆيۈملۈك؟» دەپ سورىغانىدىم، ئۇ: «ۋاقتىدا ئوقۇلغان ناماز» دېدى، مەن «ئۇنىڭدىن قالسىچۇ؟» دەپ سورىۋىدىم، ئۇ «ئاتا - ئانىغا ياخشىلىق قىلىش» دېدى، مەن «ئاندىن قايسى؟» دېسەم، ئۇ «ئاللاھ يولىدا جىھاد قىلىش» دېدى.
سەھىھۇل مۇسلىم 151 - ھەدىس.
ھەدىستىكى «ۋاقتىدا ئوقۇلغان ناماز» خۇپتەندىن باشقا تۆت ۋاق نامازنى ۋاقتى كىرگەن ھامان دەسلەپكى ۋاقتىدا ئوقۇشنى; خۇپتەننى بولسا، جامائەتتىن ئايرىلىپ قېلىش خەۋپى بولمىسا (يەنى جامائەت بولۇپ ئوقۇش ئىمكانىيىتى بولسا) كېچىنىڭ ئۈچتىن بىرىگىچە كېچىكتۈرۈشنى كۆرسىتىدۇ.
* ئۆزىڭىز ۋە باشقىلارنىڭ مەنپەئەتلىك دىنىي ئىلىملەرنى ئىگىلەپ ۋە شۇ بويىچە ئەمەل قىلىپ، دۇنيا - ئاخىرەتتە سائادەتمەنلەردىن بولۇشى ئۈچۈن، بۇ بەتنى ۋە تور بېتىمىزدىكى باشقا ماقالە - پەتىۋالارنى قولىڭىزدىن كېلىشىچە تارقىتىپ قويغايسىز.
