نامازدا سۈرە فاتىھەنى مۇنداق ئوقۇپ باقتىڭىزمۇ؟
ئەبۇ ھۇرەيرە رەزىيەللاھۇ ئەنھۇ مەن پەيغەمبەر سەللاللاھۇ
ئەلەيھى ۋەسەللەمنىڭ مۇنداق دېگىنىنى ئاڭلىغان ئىدىم دەيدۇ: رەسۇلۇللاھ سەللەللاھۇ
ئەلەيھى ۋەسەللەم ھەدىس قۇددىسىدا ئاللاھ تائالانىڭ مۇنداق دېگەنلىكىنى بايان قىلىدۇ:
«مەن نامازنى بەندەم بىلەن ئۆزۈمنىڭ ئوتتۇرىسىدا ئىككىگە بۆلدۈم، بەندەم تىلىگىنىگە
ئېرىشىدۇ. ئەگەر بەندە: {الْحَمْدُ لِلَّـهِ رَبِّ الْعَالَمِينَ} (جىمى ھەمدۇسانا ئالەملەرنىڭ رەببى ئاللاھقا خاستۇر) دېسە، ئاللاھ
تائالا: بەندەم ماڭا ھەمدە ئېيتتى، دەيدۇ. ئەگەر بەندە: {الرَّحْمَـٰنِ الرَّحِيمِ} (ئۇ ئەڭ شەپقەتلىكتۇر، ئەڭ مېھرىباندۇر) دېسە، ئاللاھ:
بەندەم مېنى مەدھىيەلىدى، دەيدۇ. ئەگەر بەندە: {مَالِكِ يَوْمِ الدِّينِ} (قىيامەت كۈنىنىڭ ئىگىسىدۇر) دېسە، ئاللاھ:
بەندەم مېنى ئۇلۇغلىدى ۋە ئۆزىنى ماڭا تاپشۇردى، دەيدۇ .ئەگەر بەندە {إِيَّاكَ نَعْبُدُ
وَإِيَّاكَ نَسْتَعِينُ} (ساڭىلا ئىبادەت قىلىمىز ۋە سەندىنلا ياردەم تىلەيمىز) دېسە، ئاللاھ: بۇ بەندەم بىلەن مېنىڭ ئارامدىكىسىدۇر،
بەندەم تىلىگىنىگە ئېرىشىدۇ، دەيدۇ. ئەگەر بەندە: {اهْدِنَا الصِّرَاطَ الْمُسْتَقِيمَ
صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ} (بىزنى توغرا يولغا باشلىغىن؛ غەزىپىڭگە يولۇققانلارنىڭ
ۋە ئازغانلارنىڭ يولىغا ئەمەس، سەن ئىنئام قىلغانلارنىڭ يولىغا باشلىغىن) دېسە، ئاللاھ
تائالا: بۇ بەندەم ئۈچۈندۇر. بەندەم تىلىگىنىگە ئېرىشىدۇ، دەيدۇ» [سەھىھۇل مۇسلىم].
* ئۆزىڭىز ۋە باشقىلارنىڭ مەنپەئەتلىك دىنىي ئىلىملەرنى ئىگىلەپ ۋە شۇ بويىچە ئەمەل قىلىپ، دۇنيا - ئاخىرەتتە سائادەتمەنلەردىن بولۇشى ئۈچۈن، بۇ بەتنى ۋە تور بېتىمىزدىكى باشقا ماقالە - پەتىۋالارنى قولىڭىزدىن كېلىشىچە تارقىتىپ قويغايسىز.
