ئۇيغۇر ئىسلام بىلوگى

  سوئال: نەسىھەت قايسى شەكىلدە قىلىنسا توغرا بولىدۇ؟ ئادەم يوق يالغۇز جايدا قىلىنامدۇ ياكى جامائەت سورۇنىدا قىلىنسىمۇ بولامدۇ؟ قانداق كىشى نەسىھەت قىلىشقا لايىق بولىدۇ؟ ئىسلام سوئال – جاۋابلىرى تورى دىكى 225160 – نومۇرلۇق سوئال. مەزكۇر توربەتنىڭ ئۇيغۇرچە سەھىپىسىدىن ئېلىندى. بارلىق گۈزەل مەدھىيەلەر ئالەملەرنىڭ رەببى ئاللاھقا خاستۇر . سەمىمىي نەسىھەت ئىسلامىي قېرىنداشلىقنىڭ بەلگىسى، ئىماننىڭ مۇكەممەللىكى، ئېھساننىڭ تامامىدۇر. چۈنكى مۇسۇلمان ئۆزى ياخشى كۆرگەن نەرسىنى قېرىندىشى ئۈچۈن ياخشى كۆرمىگىچە، ئۆزى ياقتۇرمىغان نەرسىنى قېرىندىشى ئۈچۈنمۇ ئۆچ كۆرمىگۈچە، ئۇنىڭ ئىمانى كامىل بولمايدۇ، مانا بۇ نەسىھەتنىڭ تۈرتكىسىدۇر . جەرىر ئىبنى ئابدۇللاھ رەزىيەللاھۇ ئەنھۇنىڭ مۇنداق دېگەنلىكى رىۋايەت قىلىنىدۇ: مەن پەيغەمبەر رەسۇلۇللاھ سەللاللاھۇ ئەلەيھى ۋەسەللەمگە ناماز ئوقۇشقا، زاكات بېرىشكە ۋە مۇسۇلمانلارنىڭ ھەممىسىگە سەمىمىي بولۇشقا (سەمىمىي نەسىھەت قىلىشقا) بەيئەت قىلدىم. [بۇخارى رىۋايىتى 57 - ھەدىس. مۇسلىم رىۋايىتى 56-ھەدىس] . تەمىم ئىبنى ئەۋىس دارى رەزىيەللاھۇ ئەنھۇدىن رى...

ياخشىلىققا ۋە تەقۋالىققا ياردەملىشىش سۆز، ئەمەل ۋە ئەقىدىدە ئاللاھ ۋە ئاللاھنىڭ رەسۇلى قىلىشقا بۇيرۇغان بارلىق ئىشلارنى ۋۇجۇدقا چىقىرىشتا ۋە ئاللاھ - ئاللاھنىڭ رەسۇلى ھارام قىلغان بارلىق سۆز، ئەمەل ۋە ئەقىدىلەردىن ۋاز كېچىشتە ئۆزئارا ياردەملىشىشنى كۆرسىتىدۇ. پۈتۈن ئىنسانلار، ئەر ياكى ئايال بولۇشىدىن قەتئىينەزەر، دۇنيا ۋە ئاخىرەتتە بەخت ۋە قۇتۇلۇشقا ئېرىشىپ، ھەر تۈرلۈك بۇزغۇنچىلىق ۋە پىتنىدىن ئەمىن قېلىش ئۈچۈن بۇ ھەمكارلىققا موھتاج. ئۇلارنىڭ بۇ ئىشتىن ئالغان نېسىۋېسى (دىنغا بولغان) ئىخلاسى ۋە ئۆزىنى بېغىشلىشىنىڭ مىقدارىدا بولىدۇ. ئۇلارنىڭ بۇ ئىشتىن مەھرۇم قېلىشىمۇ (دىندىكى) غەپلىتىنىڭ مىقدارىدا بولىدۇ. ئىككى ھەرەمنىڭ ئۇستازى، ئەللامە شەيخ بىن بازنىڭ پەتىۋالىرى توپلىمى 5 - جىلىد 88 - بەت * ئۆزىڭىز ۋە باشقىلارنىڭ مەنپەئەتلىك دىنىي ئىلىملەرنى ئىگىلەپ ۋە شۇ بويىچە ئەمەل قىلىپ، دۇنيا - ئاخىرەتتە سائادەتمەنلەردىن بولۇشى ئۈچۈن، بۇ بەتنى ۋە تور بېتىمىزدىكى باشقا ماقالە - پەتىۋالارنى قولىڭىزدىن كېلىشىچە تارقىتىپ قويغايسىز.

سوئال: ئارىيەت بېرىلگەن كىتابلارنى بەلگىلەنگەن ۋاقتتا قايتۇرمىغانلاردىن جەرىمانە ئېلىشنىڭ دۇرۇس ئىكەنلىكىنى ئاڭلىغان ئىدىم، بۇ توغرىمۇ؟ بۇ ئىش ئۈچۈن ئېلىنغان جەرىمانە جازانىنىڭ قاتارىدىن ھېسابلىنامدۇ؟ كىتابخانىغا تۆلىگەن جەرىمانە توغرىسىدا نېمە قىلىش كېرەك بولىدۇ؟ ئۆتەلگەن جەرىمانىنىڭ قايسىسى قەرزگە ئالاقىدار بولىدۇ؟ ئوقۇشنى خالىغان كىتابلارنىڭ ھەممىسىنى سېتىۋېلىش قىيىن بولغانلىقى ئۈچۈن كىتابخانىدىن كىتاب ئارىيەت ئېلىش ئۈچۈن پايدىلىنىدىغان كارتىنى ئىشلىتىشنى داۋاملاشتۇرسا توغرا بولامدۇ؟ بۇ ھەقتە چۈشەنچە بېرىشلىرىنى ئۈمىد قىلىمەن. دۇنياغا مەشھۇر ئەھلى سۈننەت پەتىۋا تور بېتى ئىسلام سوئال –جاۋابلىرى تورى دىكى 281829 – نومۇرلۇق سوئال. مەزكۇر پەتىۋا شۇ تور بەتنىڭ ئۇيغۇرچە سەھىپىسىدىن ئېلىندى. جاۋاب:     بارلىق گۈزەل ماختاشلار ئالەملەرنىڭ رەببى ئاللاھقا خاستۇر، پەيغەمبىرىمىز مۇھەممەدكە، ئۇنىڭ ئائىلە تاۋابىئاتلىرى ۋە ساھابىلىرىغا ئاللاھ تائالانىڭ رەھمەت -  سالاملىرى بولسۇن.     كىتاب ئارىيەت ئېلىش دۇرۇس. ئەمما، ئارىيەت ئالغان كىتابنى ئۆز ۋاق...

ئىككى ھەرەمنىڭ ئىمامى، ئەللامە شەيخ بىن باز رەھىمەھۇللاھتىن «قۇرئان ئوقۇشنىڭ ۋە سەدىقىنىڭ ساۋابىنى ۋاپات بولغان ياكى ھايات ئانىسىغا ئاتاش»نىڭ ھۆكمى توغرىلىق سورالغاندا، شەيخ شۇنداق جاۋاب بەرگەن: «قۇرئان ئوقۇشنىڭ ساۋابىنى ئاتاش مەسىلىسىدە، ئالىملار بۇ ھەقتە ئىختىلاپلاشقان. تېخىمۇ توغرا قاراشقا كۆرە، قۇرئان ئوقۇشنىڭ ساۋابى ئۆلۈككە يەتمەيدۇ، چۈنكى، بۇ ھەقتە دەلىل يوق. بىزنىڭ بىلىشىمىزچە، پەيغەمبەر سەللاللاھۇ ئەلەيھى ۋەسەللەم بۇ ئىشنى ئۆزى ھايات ۋاقتىدا ۋاپات بولۇپ كەتكەن قىزلىرى ياكى ساھابىلىرى (ئاللاھ ئۇلاردىن رازى بولغاي) ئۈچۈن قىلىپ باقمىغان ياكى مۇشۇنداق قىلىشنى تەستىقلىمىغان. شۇنىڭ ئۈچۈن، مۇئمىنلەر مەيلى ۋاپات بولغان ياكى ھايات كىشىلەر ئۈچۈن بولسۇن، ساۋابىنى شۇلارغا ئاتاپ قۇرئان ئوقۇش، ناماز ئوقۇش، روزا تۇتۇش دېگەندەك ئىشلارنى قىلماسلىقى كېرەك، چۈنكى بۇلارنىڭ ھېچقايسىسىغا دەلىل يوق. ئىبادەتتىكى ئاساسىي پىرىنسىپ شۇكى، بىز ئاللاھ ياكى ئاللاھنىڭ پەيغەمبىرى سەللاللاھۇ ئەلەيھى ۋەسەللەم بېكىتمىگەن ھەرقانداق ئىشنى ئىبادەت دەپ قىلمايمىز. «شەيخ بىن بازنىڭ پەتىۋا ۋە ماقالىلەر توپلىم...

سوئال: ساقالنى قىرىشقا، چۈشۈرۈشكە ۋە باشقا گۇناھلارغا مەجبۇرلايدىغان دۆلەتتە ياشايدىغان مۇسۇلمانلار قانداق قىلىشى كېرەك؟ ئەگەر ئۇ ئائىلىسى ۋە مال – مۈلكىنى تەرك ئېتىپ (دىنىنى ئەركىن ياشىيالايدىغان) باشقا زېمىنغا كەتسە، بۇ ئىشى ھىجرەت ھېسابلىنامدۇ؟ ئىسلام سوئال – جاۋابلىرى تورىدىكى 10338 – نومۇرلۇق پەتىۋا، مەنبە: ئەللامە شەيخ ئابدۇلئەزىز بىن ئابدۇللاھ بىن باز رەھىمەھۇللاھنىڭ «پەتىۋالار مەجمۇئەسى» 8 – توم 278 – بەت. جاۋاب: ھەمدۇ سانا ئاللاھقا خاستۇر. مۇسۇلمان كىشىنىڭ ناماز ئوقۇغىلى قويمايدىغان، ساقال قويغىلى قويمايدىغان، كىشىلەرنى ھارام ئىشلارغا چاقىرىدىغان دۆلەتتە تۇرماسلىقى، شۇ دۆلەتتىن دىنىنى ياشىيالايدىغان باشقا زېمىنغا ھىجرەت قىلىشى ۋاجىب. چۈنكى، بۇنداق ئىشلار بار دۆلەت ناچار دۆلەتتۇر. ھەتتا بۇنداق قىلىشى ئاتا – ئانىسىغا ئىتائەتسىزلىك بولغان تەقدىردىمۇ،  ئۇنىڭ شۇ يەردىن باشقا يەرگە ھىجرەت قىلىشى ۋاجىب بولىدۇ.   (يەنى ئاتا – ئانىسى ئۇنىڭغا سەن مۇشۇ يەردە تۇرۇۋېرىسەن دەپ بېسىم قىلغان تەقدىردىمۇ، ئۇ ئاتا – ئانىسىنىڭ سۆزىنى ئاڭلىماي شۇ يەردىن ھىجرەت قىلىپ چىقىپ ...

سوئال: { ئاللاھنىڭ بەندىلىرى ئىچىدە ئاللاھتىن پەقەت ئالىملارلا قورقىدۇ } [سۈرە فاتىر 28 - ئايەت] دېگەن ئايەتنى تەپسىر قىلىپ بەرگەن بولسىلا! ئىككى ھەرەمنىڭ ئۇستازى، ئەللامە شەيخ بىن باز رەھىمەھۇللاھنىڭ پەتىۋالار توپلىمى 5 – جىلىد 48 - بەت جاۋاب: بۇ ئايەتى كەرىم شۇنى كۆرسىتىدۇكى، ئاللاھ تەئالا ھەققىدە، ئاللاھنىڭ دىنى ھەققىدە، ئاللاھنىڭ مۇبارەك كىتابى (قۇرئان كەرىم) ھەققىدە ۋە رەسۇلۇللاھ  ﷺ  نىڭ سۈننىتى ھەققىدە يېتەرلىك ئىلىمگە ئىگە كىشىلەر (ھەقىقىي ئەھلى سۈننەت ئالىملىرى) ئاللاھتىن مۇكەممەل رەۋىشتە قورقىدۇ. يەنى، بۇ ئايەتنىڭ مەنىسى « ئاللاھتىن ئەڭ مۇكەممەل رەۋىشتە قورقىدىغانلار رەببى ئاللاھ تائالانى ئۇنىڭ گۈزەل، مۇكەممەل ئىسىم – سۈپەتلىرى ئارقىلىق تونۇغان؛ ئاللاھ تائالانىڭ بەندىلىرى ئۈستىدىكى ھەققىنىڭ نەقەدەر بۈيۈكلىكىنى بىلگەن؛ ئاللاھنىڭ شەرىئىتىگە رىئايە قىلغان؛ ئاخىرەتتە ئاللاھقا تەقۋادارلىق قىلغانلارغا تەييارلانغان كاتتا نېمەتلەرگە ۋە ئاللاھقا ئاسىي بولغانلارغا تەييارلانغان (دەھشەتلىك) ئازابقا ئىمان كەلتۈرگەن كىشىلەردۇر » دېگەنلىك بولىدۇ. ئاللاھ ھەققىدە چو...

ئىككى ھەرەمنىڭ ئۇستازى، ئەللامە شەيخ بىن باز رەھىمەھۇللاھ  بۇ ھەقتە مۇنداق دېگەن: «ئەگەر ئايالنىڭ ۋەلىيسى يىراقتا بولسا، شۇ ئايالنىڭ توي ئىشى ئۈچۈن، يازما شەكىلدە ئۆز ئورنىغا مۇۋاپىق بىرىنى ۋەكىل قىلىپ بېكىتسە بولىدۇ. ئەگەر ۋەلىينىڭ ئىز ـ دېرىكىنى قىلغىلى بولـمىسا، ئايالنىڭ شۇنىڭدىن كېيىنكى ۋەلىيسى ئۇنىڭ ئورنىغا ۋەلىي بولۇشى كېرەك. (مەسىلەن ئايالنىڭ دادىسى، ئاكا ـ ئىنىسى، دادا تەرەپ تاغىسى بولـمىسا، ئانا تەرەپ تاغىسى تويدا ئۇنىڭغا ۋەلىي بولۇشى كېرەك، ت). ئەگەر توي قىلـماقچى بولغان ئايالنىڭ، ئىز ـ دېرىكى بولـمىغان شۇ ۋەلىيسىدىن باشقا ھېچقانداق ۋەلىيسى بولـمىسا، ئۇ ۋاقىتتا، مۇسۇلـمان ھۆكۈمدار ئۇنىڭغا ۋەلىي بولىدۇ.  ئەگەر بىر ئايال دادىسى، ئاكىسى قاتارلىق ھېچقانداق ۋەلىيسى يېنىدا يوق بىر دۆلەتتە ياشايدىغان بولسا، مۇسۇلـمان ھۆكۈمدار ئۇنىڭغا ۋەلىي بولىدۇ. چۈنكى، پەيغەمبەر ‏صلى الله عليه وسلم: «(مۇسۇلـمان) ھۆكۈمدار ۋەلىيسى يوق(ئايال)نىڭ ۋەلىيسىدۇر» دېگەن. شۇ سەۋەبتىن، ئايالنىڭ ۋەلىيسى يوق ئەھۋالدا، ھۆكۈمدار ئۇنىڭ ۋەلىيسى بولىدۇ. ئەگەر ئۇ ئايال مۇسۇلـمانلار ئاز، مۇسۇلـمان ھۆكۈم...

سوئال: بەزى كىشىلەر «شەرىئەت ئەھكاملىرىنىڭ بەزىلىرى ئۆزگەرتىش ۋە ئىسلاھات ئىلىپ بېرىشقا مۇھتاج، بەزى شەرئى قانۇنلار بۇ دەۋرگە مۇناسىپ كەلمەيدۇ، ئىسلادىكى مىراس قانۇنىدا ئەر-ئايال باراۋەر ئەمەس» دېگەندەك سەپسەتىلەرنى ئوتتۇرىغا چىقىرىۋاتىدۇ، بۇنداق دېگۈچىلەرگە ئىسلام دىنى نېمە دەيدۇ؟ ئىسلام سوئال - جاۋابلىرى تورىنىڭ ئۇيغۇرچە سەھىپىسىدىن (islamqa.info/ug) ئېلىندى. جاۋاب:  بارچە ھەمدۇ-سانالار ئالەملەرنىڭ رەببى ئاللاھقا خاستۇر. شۇنى بىلىش لازىمكى، ئىماننىڭ ئۇل - ئاساسى __ پۈتۈن ئىشلاردا ئاللاھنىڭ ھۆكمىنى تۇتۇش ۋە ئۇنىڭ ھۆكمىگە رازى بولۇشتۇر. ئاللاھ تائالا قۇرئان كەرىمدە مۇنداق دەيدۇ(تەرجىمە مەنىسى):  «ئى مۆمىنلەر! ئاللاھقا، پەيغەمبەرگە ۋە ئۆزۈڭلاردىن بولغان ئىش ئۈستىدىكىلەرگە ئىتائەت قىلىڭلار، ئەگەر سىلەر بىرەر شەيئىدە ئىختىلاپ قىلىشىپ قالساڭلار، بۇ توغرىدا ئاللاھقا ۋە پەيغەمبەرگە مۇراجىئەت قىلىڭلار، ئەگەر سىلەر ئاللاھغا ۋە ئاخىرەت كۈنىگە (ھەقىقىي) ئىمان ئېيتىدىغان بولساڭلار، بۇ (يەنى ئاللاھنىڭ كىتابىغا ۋە پەيغەمبىرىنىڭ سۈننىتىگە مۇراجىئەت قىلىش) سىلەر ئۈچۈن پايدىلىقتۇر...

ئىككى ھەرەمنىڭ ئۇستازى، ئەللامە شەيخ ئابدۇلئەزىز بىن باز رەھىمەھۇللاھتىن سورالدىكى: بىر ئايال بىر ئەرگە نىكاھلىنىشتىن ئىلگىرى ئۇنىڭغا «مېنى تالاق قىلمايسىز» دېگەن شەرتنى قويسا، ئەرمۇ بۇ شەرتنى قوبۇل قىلسا، بۇ شەرت دۇرۇس بولامدۇ؟ بۇنىڭدىن باشقا، ئايال كىشى «نىكاھنى بۇزۇش/تالاق قىلىش ھوقۇقى مېنىڭ قولۇمدا بولسۇن» دەپ شەرت قويسا بولامدۇ؟ جاۋاب: (ئايال ئوتتۇرىغا قويغان) بۇ شەرت دۇرۇس ئەمەس. ئەركىشى ئايالىنى خالىغان ۋاقىتتا تالاق قىلالايدۇ. بۇنىڭدىن سىرت، ئايال كىشىنىڭ «نىكاھنى بۇزۇش/تالاق قىلىش ھوقۇقى مېنىڭ قولۇمدا بولسۇن» دەپ شەرت قويۇشىمۇ جائىز ئەمەس. خۇلاسە، ئايال كىشىنىڭ ئەرگە «نىكاھنى بۇزۇش/تالاق قىلىش ھوقۇقى مېنىڭ قولۇمدا بولسۇن» ياكى «مېنى تالاق قىلمايسىز» دەپ شەرت قويۇشى جائىز ئەمەس. نىكاھ تۇرمۇشىدا تالاق قىلىشنى تەقەززا قىلىدىغان بەزى ئىشلار بولۇپ قالىدۇ. ئەر كىشى (نىكاھتىن ئىلگىرى) ئايالنى تالاق قىلماسلىق شەرتىنى قوبۇل قىلغان تەقدىردىمۇ، زۆرۈرىيەت تۇغۇلغاندا ئايالىنى تالاق قىلسا بولىدۇ. چۈنكى، بۇ شەرت دۇرۇس ئەمەس.  مەنبە: «مەجمۇئۇ فەتەۋا ۋە ماقالەت مۇتەنەۋۋىيە» (21/4...

«ئۇيغۇر ئىسلام بىلوگى» تەرجىمە قىلىپ تارقاتتى. ئىمام بۇخارى ۋە ئىمام مۇسلىم مۇئاۋىيە رەزىيەللاھۇ ئەنھۇدىن رىۋايەت قىلغان ھەدىستە پەيغەمبەر ﷺ شۇنداق دېگەن: « مَنْ يُرِدِ اللَّهُ بِهِ خَيْرًا يُفَقِّهْهُ فِي الدِّينِ » « ئاللاھ كىمگە ياخشىلىق ئىرادە قىلسا، ئۇنى دىندا فەقىھ (يەنى ئىسلامنى چۈشىنىدىغان) قىلىدۇ » [روى البخاري (71) ، ومسلم (1037)]. بۇ ھەدىس شۇنى كۆرسىتىدۇكى، بىر شەخسكە، مىللەتكە، دۆلەتكە نېسىپ بولغان ياخشىلىق ۋە بەختنىڭ ئالامىتى ئاللاھ تەئالانىڭ ئۇلارنى ئىسلامنى چۈشىنىدىغان قىلىشىدۇر. چۈنكى، ئىسلامنى چۈشىنىش، ئىسلامىي ھۆكۈملەرنى بىلىش، ھازىر ۋە كېلەچەكتە نېمىلەرنى قىلىش كېرەكلىكىنى (ئىسلام دىنىنىڭ كۆرسەتمىسى بويىچە) بىلىش مۇسۇلماننىڭ ئەڭ مۇھىم ۋەزىپىلىرىدىن بىرى، شۇنداقلا ئاللاھ تەئالانىڭ ئۇلارغا ياخشىلىق ئىرادە قىلغانلىقىنىڭ ئىپادىسىدۇر.[ ئەللامە شەيخ بىن باز رەھىمەھۇللاھنىڭ پەتىۋا ۋە ماقالىلەر توپلىمى 5 - توم 104 - بەت] تابىئىن ئىمام مۇھەممەد ئىبنى كەئىب ئەلقۇرەزى رەھىمەھۇللاھ شۇنداق دېگەن : « ئەگەر ئاللاھ بىر بەندىگە ياخشىلىق ئىرادە قىلسا، ئۇنىڭغا...

سوئال: قەبرىستانلىقتىكى (زىيارەتكە كەلگەن) كىشىلەرگە ئەرزىيەت يەتكۈزىدىغان دەرەخلەرنى كېسىۋېتىشكە بولامدۇ؟ ئىككى ھەرەمنىڭ ئۇستازى، ئەللامە شەيخ بىن باز رەھىمەھۇللاھنىڭ پەتىۋالار توپلىمى 4 - جىلىد 380 - بەتتىن «ئۇيغۇر ئىسلام بىلوگى» تەرجىمە قىلىپ تارقاتتى. جاۋاب: بۇ دەرەخلەر قەبرىستانلىققا كەلگەن كىشىلەرگە (يول يۈرۈشىگە پۇتلىكاشاڭ بولۇش دېگەندەك شەكىللەردە) ئەرزىيەت يەتكۈزگەچكە، كېسىۋېتىلىشى كېرەك.  شۇنىڭدەك، زىيارەتكە كەلگەن كىشىلەرنى ئەرزىيەتتىن ساقلاش ئۈچۈن،  (قەبرىستانلىقتىكى) ھەرقانداق تىكەنلىك ئۆسۈملۈكمۇ كېسىۋېتىلىشى (يۇلۇۋېتىلىشى) كېرەك.  بۇنىڭدىن سىرت، ھېچكىمنىڭ قەبرىستانلىققا ھەرقانداق تۈردىكى دەرەخ ياكى خورما شېخى تىكىشى جائىز ئەمەس. چۈنكى، ئاللاھ تەئالا بۇنى بېكىتمىگەن. رەسۇلۇللاھ ‏صلى الله عليه وسلم قەبرىسىدە ئازابلىنىۋاتقان ئىككى ئادەمنىڭ قەبرىسىگە ئىككى تال خورما شېخىنى سانجىپ قويغان، ئەمما ئۇ (نۇرغۇن ساھابىلەرنىڭ مېيىتى كۆمۈلگەن) بەقى قەبرىستانلىقىغا ھېچنەرسە تىكمىگەن. رەسۇلۇللاھنىڭ ساھابىلىرىمۇ (ئاللاھ ئۇلاردىن رازى بولغاي) بۇنداق بىر ئىشنى ...

ئىككى ھەرەمنىڭ ئۇستازى، ئەللامە شەيخ بىن باز رەھىمەھۇللاھنىڭ پەتىۋالار توپلىمى 4  –  جىلىد  233   –  بەتتىن «ئۇيغۇر ئىسلام بىلوگى» تەرجىمە قىلىپ تارقاتتى. *ئۆزىڭىز ۋە باشقىلارنىڭ ئىككى دۇنيالىق سائادىتى ئۈچۈن تارقىتىپ قويۇشنى ئۇنۇتماڭ. سوئال:  ياخشىلىققا بۇيرۇپ، يامانلىقتىن توسىدىغان  دەۋەتچى  ئۆزىدە قانداق ئىلىملەرنى ھازىرلىشى كېرەك؟  جاۋاب: دەۋەتچىنىڭ  دىنىي  ئىلىملەرنى ياخشى بىلىشى زۆرۈر،   چۈنكى  ئاللاھ سۇبھانەھۇ ۋەتەئالا   مۇنداق دېگە ن: «ئېيتقىنكى:  بۇ مېنىڭ يولۇمدۇر. مەن روشەن  ئىلىمگە  ئاساسلانغان ھالدا (كىشىلەرنى ) ئاللاھقا دەۋەت قىلىمەن. ماڭا ئەگەشكەنلەرمۇ (شۇنداق قىلىدۇ)» [سۈرە يۈسۈف 108  –  ئايەت]. مەزكۇر ئايەتتىكى  ئىلىم ـــ  ئاللاھ تەئالا  ئۆزىنىڭ  مۇقەددەس كىتابىدا؛  پەيغەمبەر سەللەللاھۇ ئەلەيھى ۋەسەللەم ئۆزىنىڭ سەھىھ سۈننىتىدە  بايان قىلىغان ئىلىملەردۇر .  ئىلىم مۇشۇ ئىككى مەنبەنى، يەنى قۇرئان ۋە سەھىھ سۈننەتنى؛ ئاللاھنىڭ ب...